Հայաստանի ազգային կինոկենտրոնի նախաձեռնությամբ եւ աջակցությամբ արդեն հինգերորդ տարին է հայ ռեժիսորներն ու պրոդյուսերները հնարավորություն են ունենում իրենց նախաձեռնությունները, կինոնախագծերը, նոր կինոառաջարկները, նաեւ արտադրական եւ հետարտադրական փուլերում գտնվող ֆիլմերը ներկայացնել Կաննի փառատոնում  գործող տասնօրյա կինոշուկայում, որտեղ Հայաստանը ունի մշտական տաղավար։
Կինոշուկայի օրերին, բացի հայկական կինոնախագծերից, ֆիլմերից, ծրագրերից, Հայաստանի ազգային կինոկենտրոնը առանձին աշխատանքներ է իրականացրել մի շարք կարեւոր միջազգային նշանակության կինոկազմակերպությունների հետ համագործակցության եւ դրանց անդամակցելու ուղղությամբ՝ նախապես նրանց հետ ձեռք բերված պայմանավորվածությունների համաձայան։
Կինոշուկայի առաջին իսկ օրերին, Ազգային կինոկենտրոնի տնօրեն, Կաննի հայկական պատվիրակության ղեկավար Գ.Գեւորգյանը հանդիպումներ է ունեցել Յուրիմաժի, Եվրոպակակ աուդիովիզուլ օբսերվատորիայի, Ֆրանսիայի ազգային կինոկենտրոնի (CNC-ի) ներկայացուցիչների հետ։ Աուդիովիզուալ օբսերվատորիային ներկայումս անդամկցում է 40 երկիր: Հայաստանը` ի դեմս Գ.Գեւորգյանի ընդգրկվել է  վարչության կազմում:  Յուրիմաժի գործադիր տնօրեն Ռոբերտ Օլլայի հետ հանդիպման ընթացքում քննարկվել է Հայաստանի անդամակցության հարցերը, ինչպես նաեւ դրանով պայմանավորված նոր կինոհամագործակցությունների հնարավորությունների օգտագործման տարբերակները։ Նախնական պայմանավորվածության  համաձայան` 2014թ. Հայաստանը պատրաստվում է անդամակցել Յուրիմաժին։
Ազգային կինոկենտրոնի տնօրեն Գ.Գեւորգյանը հանդիպել է, նաեւ «Համաշխարհային կինոֆոնդի» տնօրեն Դուգլաս Լայբլի հետ (կառավարող տնօրեն).  քննարկել են «Սայաթ-Նովա» ֆիլմի վերականգնաման աշխատանքների ընթացքի մասին, ապա նաեւ քննարկել`  վերականգնումից հետո ֆիլմը 2014թ. Կաննի կինոփառատոնում  որպես համաշխարահյին ճանաչում ունեցող Լավագույն ֆիլմ ցուցադրելու հարցը (Կաննը ամեն տարի ունենում է մեկ նման ցուցադրություն), միաժամանակ, քննարկվել է նաեւ Արտավազդ Փելեշյանի ֆիլմերի վերկանգնման հարցը: Նշենք, որ այս կարեւոր կինոկառույցը` «Համաշխարհային կինոֆոնդը» հիմնադրել է աշխարհահռչակ կինոռեժիսոր Մարտին Սկորցեզեն:
 Ֆրանսիայի ազգային կինոկենտրոնի տնօրեն Էրիկ Գարանդոյի հետ հանդիպման ընթացքում հատկապես  քննարկվել են հայ-ֆրանսիական համագործակցության պայմանագրը վերակնքել համատեղ կինոարտադրության պայմանագրի, ինչպես նաեւ  «ՀՀ կինոյի մասին» օրենքի նախագծի մշակաման հետ կապված հարցերը։
Բացի այդ, Գ. Գեւորգյանը հանդիպել է նաեւ թուրքական “Հերսեյֆիլմ” կինոարտադրող ընկերության զարգացման գծով տնօրեն Ս.Աթասագունի հետ՝ քննարկել հնարավոր համագործակցության տարբերակաները։ Ի դեպ, հանդիպման նախաձեռնողը  թուրքական կողմն է եղել։
Եղել են նաեւ մի շարք այլ կարեւոր հանդիպումներ, ռուսական Ռուսիկո ընկերության ներկայցուցիչների, Վենետիկի կինոփառատոնի կինոշուկայի տնօրեն Պասկալ Դիոտի, Ռիգայի կինոթատրոնների վերազինման աշխատանքներով զբաղվող Dremsim կազմակերպության տնօրեն Ալեքսանդր Պառվատկինի հետ, ինչպես նաեւ ամերիկայն «Քենդի Մարշալ» կինոընկերության հետ, որը հետաքրքրված է Հայաստանում կինո նկարահանելու հնարավորություններով։
Այս ամենից զատ, Կաննի կինոշուկայի հայկական տաղավարում կայացել են հայ ռեժիսորների ֆիլմերի եւ կինոնախագծերի շնորհանդեսները. Ջիվան Ավետիսյանը ներկայացրել է “Թեւանիկ” , Մարիա Սահակյանը եւ Ջեֆ Գալուստյանը “Ֆլորիստը” հեքիաթ-նախագիծը, Ռուբեն Քոչարը “Իմ անունը Վիոլա է” եւ այլ նախագծեր: Բացի այդ,  տեղի են ունեցել նաեւ այլ հանդիպումներ մի քանի  արտադրող ընկերությունների հետ։
Հայկական մի քանի կարճամետրաժ ֆիլմեր ներկայացվել են Կարճամետրաժ ֆիլմերի արտամրցութային ծրագրում։

ՆԻԿԻՏԱ ՄԻԽԱԼԿՈՎԻ Ամառային կինոակադեմիան իրականացնում է անվճար ուսուցման նախագիծը, որի նպատակն է նպաստել կինեմատոգրաֆիստների նոր սերնդի մասնագիտական ունակությունների, տարբեր երկրների երիտասարդ արտիստների մարդկային և ստեղծագործական  կապերի զարգացմանը, փորձի փոխանակմանը։
Ուսուցման 5 շաբաթվա ընթացքում մասնակիցները (22 արտիստ, խաղարկային ֆիլմի 3 ռեժիսոր, ոչ խաղարկային ֆիլմի 3 ռեժիսոր, անիմացիոն ֆիլմի 3 ռեժիսոր, 3 նկարիչ-մուլտիպլիկատոր և 6 կինոօպերատոր) Մոսկվայի և Սանկտ-Պետերբուրգի անվանի դասախոսների ղեկավարությամբ կուսումնասիրեն դերասանի վարպետություն, բեմական շարժում, բեմական խոսք, կոստյումի պատմություն, կինոռեժիսուրա, ռեժիսորի աշխատանքը դերասանի հետ, կինոդրամատուրգիա, օպերատորական վարպետություն, մոնտաժի տեսություն, կինոլույսային տեխնիկա, անիմացիայի և համակարգչային գրաֆիկայի ռեժիսուրա։
Կինոակադեմիայի ուսուցման արդյունքում կարտադրվի 3 խաղարկային, 3 ոչ խաղարկային, 3 անիմացիոն ֆիլմեր 1 պլաստիկ ֆիլմ-ներկայացում։
Մասնակցության պայմաններն են՝
1.    Մասնագիտական կրթության դիպլոմ.
2.    Տարիքը՝ մինչև 35.
3.    Ռուսաց լեզվի տիրապետում.
4.    Խաղացանկ (դերասանների համար).
5.    Ֆիլմերի և այլ աշխատանքների ցանկ (ռեժիսորների համար).
6.    Կինոակադեմիայի մասնակցի նկարահանվելիք աշխատանքի սինոփսիսը (ռեժիսորների համար).              
7.  Նախագծի կազմակերպիչները հոգում են Կրթության, կեցության, սնունդի, ներքին տրանսպորտի, մշակութային ծրագրերի իրականացման ծախսերը.
8.    Մասնակիցները հոգում են Ճանապարհի, վիզայի, բժշկական ապահովագրության ծախսերը։
Խաղարկային ֆիլմի ռեժիսոր-մասնակիցը  հայտի հետ միասին ուղարկելու է այն ֆիլմի սինոփսիսը, որը պետք է հիմնված լինի ցանկացած ստեղծագործության, կամ Ա. Չեխովի, Լ. Տոլստոյի, Ֆ. Դոստոևսկու երկերի (հատվածի) վրա, կամ առնչվի մեր օրերի պատմությանը։ Դերասանների կազմը չպետք է գերազանցի 3-5 հոգուց։

Ուսուցումն անցակվելու է 2013 թ. հուլիսի 21-ից մինչև օգոստոսի 25-ը
Հայտերն ընդունվում են մինչև 2013 թ. հունիսի 1-ը 
Հայտի ձևերը կարող եք վերցնել  http://vk.com/kinoacademiya 
Հայտերը կարող եք ուղարկել  2012lkm@gmail.com 
Տեղեկությունների համար զանգահարել +7 (495) 690 31 43։