«Հող չափողները»
Ռեժիսոր Սուրեն Բաբայան
Սցենարիստ Սուրեն Բաբայան
ՕպերատորԱրտյոմ Աբովյան
Տարեթիվ2017
ԴերասաններԺան Նշանյան, Սամվել Թադևոսյան
17.36 րոպե
Ֆիլմի գործողությունները տեղի են ունենում արևմտյան Հայաստանի մոռացված ու անմարդաբնակ մի վայրում, ուր դեռևս կանգուն է միայն մի եկեղեցի։ Հերոսները հող են չափում։ Տարեց հողաչափին օգնող երիտասարդի համար անծանոթ տեղանքը զարմանալի է թվում։ Նա բացարձակ անտեղյակ է, թե ով կարող է ապրած լինել այդ վայրերում, ուր եկեղեցի է կանգնած, այն էլ առանց խաչի։ Իսկ երբ տարեց տղամարդու գրպանի ժամացույցը տեսնելով՝ հետաքրքրվում է ժամացույցի վրայի անծանոթ տառերով, տարեցն արդեն ստիպված է պատասխանել, որ դրանք հայկական տառեր են։ Ֆիլմից պարզ չի դառնա, թե նոր շինություններ են կառուցելու այդտեղ, կամ արդյոք եկեղեցին մնալու է այդ տեղում, թե՝ ոչ։ Մի բան պարզ է՝ երբ երիտասարդը հողաչափի ձողը խրում է հողի մեջ, մետաղի ու քարի շփման սուր ու տհաճ ձայն է լսվում…
