Սեպտեմբերի 11 2016

Շնորհիվ անցած տարի ունեցած հաջողության, ս. թ. հուլիսի 1-7-ը Երևանում տեղի կունենա Ուրուգվայական ֆիլմերի երկրորդ փառատոնը` Ուրուգվայի զբոսաշրջության, սպորտի, կրթության և մշակույթի նախարարության, Արգենտինայի Հանրապետությունում Հայաստանի Հանրապետության դեսպանության և այլ կառույցների հովանու ներքո:

 

Այս ցուցադրությունն իրականացվում է Ջեք Պողոսյանի ղեկավարությամբ, որը տարիներ առաջ նախաձեռնեց Հայաստանի և Ռիո դե լա Պլատա գետի երկրների միջև մշակութային փոխանակում՝ կազմակերպելով արգենտինական տանգոյի մասին ֆիլմերի ցուցադրություն Երևանում:

 

Ֆիլմերի այս ցուցադրության գլխավոր նպատակն է ներկայացնել ուրուգվայական ֆիլմերի առանձնահատկությունները ընտրողական ծրագրի միջոցով, որը ներառում է վավերագրական և գեղարվեստական ֆիլմերի ընտրանի, որոնք արտացոլում են երկրի ոգին նրա պատմության, երաժշտության և ինքնատիպության միջոցով:

 

Սա մի կինեմատոգրաֆիական ծրագիր է, որն անկասկած կդառնա մշակութային գործիք, որը Հայաստանում ուրուգվայական կինոն ներկայացնելուց զատ, երկու երկրների միջև դերասանների փոխանակման խթան կդառնա: Սա մի կապ է Հայաստանի և Ուրուգվայի միջև, որը Հայոց ցեղասպանությունը ճանաչած առաջին երկիրն է, և որտեղ մեծ հայկական համայնք կա:

 

Ֆիլմերը կցուցադրվեն իսպաներեն՝ անգլերեն ենթագրերով: Մուտքն ազատ է:

Ցուցադրությունը՝ Հենրիկ Մալյանի անվան կինոդերասանի թատրոնում: Տեղեկությունների համար` Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։:

 

Ծրագիր

հուլիսի 2, ժամը 19:00, «Պապի բաղնիքը»

Ուրուգվայ, 2007, 90 րոպե, Դրամատիկական կատակերգություն

Ռեժիսոր՝ Սեսար Չարլոնե, Էնրիկե Ֆերնանդես

Դերերում՝ Սեսար Տրոնկոսո, Վիրխինիա Մենդես, Վիրխինիա Ռուիս

1988 թվական. Հովհաննես Պողոս Բ պապն այցելում է Մելոն՝ մի աղքատ քաղաք Ուրուգվայի խորքերում: Ակնկալվում է, որ ավելի քան 50 հազար այցելու կգա պապին տեսնելու: Տեղի բնակիչները պատրաստվում են մեծ առևտրի: Ուրուգվայական կինոյի ամենաշատ պարգևներ ստացած կինոժապավեններից է:

 

հուլիսի 2, ժամը 21:00, «Որդու վայրը»

Ուրուգվայ, 2014, 116 րոպե

Ռեժիսոր` Մանուել Նիետո

Նկարահանող խումբ` Ֆելիպե Դիեստե, Ալեխանդրո Ուրդապիժետա, Լեոնոր Կուրտուազ

Ֆիլմը մի տղայի մասին է, որը սովորում է Մոնտեվիդեոյում: Նրան տեղյակ են պահում, որ հայրը մահացել է, և ինքը պետք է մեկնի Սալտո քաղաք` մասնակցելու թաղմանը և ստանալու ժառանգությունը: Նա Սալտոյում բացահայտում է, որ հայրը իրեն թողել է պարտքեր ունեցող ագարակ, մի ծեր շուն և մի տուն, որտեղ դեռևս բնակվում է նրա սիրուհին:

 

հուլիսի 3, ժամը 20:00, «Այդքան շատ ջուր»

Ուրուգվայ, Մեքսիկա, Հոլանդիա, Գերմանիա, 2013, 102 րոպե

Ռեժիսորներ` Անա Գևարա/Լետիսիա Խորխե

Նկարահանող խումբ` Նեստոր Գուցինի, Մալու Չուզա, Խոակին Կաստիլիոնի

Կա՞ ավելի վատ բան, քան լինել 14 տարեկան և արձակուրդն անցկացնել հայրիկի հետ, երեխաներին տանել հանգստանալու, երբ անձրևը չի դադարում: 

 

հուլիսի 4, ժամը 20:00, «Կենդանական վարքագիծ»

Ուրուգվայ, 2014, 84 րոպե

Ռեժիսոր` Ֆլորենսիա Կոլուչի և Գոնսալո Լուգո

Նկարահանող խումբ` Ռոբերտո Սուարս, Մարսել Կեորոգլյան, Դանիել Մելինգո և Էլիսա Գալիանո

Ծովի կենսաբանը և մի երիտասարդ կին ծանոթանում են Բրազիլիայի ճանապարհներին: Թեև թվում է, թե նրանց բնավորություններն անհամատեղելի են, կապ է հաստատվում, և նրանք շարունակում են միասին ճամփորդել: Նրանք թույլ են տալիս, որ կիրքը և անմոռացությունն իրենց ուղղորդի այս չափազանց քնքուշ և երկնային հումորով հագեցած ռոմանտիկ կատակերգությունում:

 

 

ԿԱՊ ՄԵԶ ՀԵՏ

  • +374 (10) 52-20-32
  • +374 (10) 52-20-38
  • info@cfarmenia.am
  • Տերյան 3ա
×

Դուք չեք լրացրել բոլոր պահանջվող դաշտերը