«Ցեղի ֆիզիոլոգիան» ներկայացումը բեմադրվել է 2004թ.-ին Նարինե Մալյանի կողմից: Ներկայացումը հիմնված է Աղասի Այվազյանի հինգ պատմվածքների վրա, որոնք են՝ «Ծեր Եփրակսիան և նրա տարեց որդին», «Կռվարարները», «Ցեղի ֆիզիոլոգիան», «Երաժշտական զանգը հին ինտիլիգենտի տանը», «Կիրակոս»: «Ցեղի ֆիզիոլոգիան» մի ընտանիքի ուրախ և միաժամանակ տխուր պատմություն է, որն արտացոլում է իրական ազգային թատրոնի շունչը:
Ներկայացումն արժանացել է «Արտավազդ» մեդալի: «Ցեղի ֆիզիոլոգիան» ներկայացումը մասնակցել է տարբեր միջազգային փառատոների՝ Ֆրանսիայում «Արևելք-Արևմուտք» փառատոնին, \ Փարիզ, Մարսել, «High Fest» միջազգային թատերական փառատոնին, Մոսկվայում՝ «Новая драма» միջազգային թատերական փառատոնին, որտեղ ներկայացումը բարձր գնահատվեց ռուս քննադատների կողմից, Թիֆլիսի միջազգային թատերական փառատոնին, «Թատերական Լոռի» փառատոնին: «Ցեղի ֆիզիոլոգիան» ներկայացումը վայելել է ոչ միայն հայ, այլ նաև օտարազգի հանդիսատեսի սերն ու համակրանքը և արժանացել բարձր գնահատականի:
Բեմադրությունը՝ Նարինե Մալյան
Ժանրը՝ տրագիկոմեդիա
Երաժշտական ձևավորումը՝ Տիգրան Սիրավյան
Բեմանկարիչ և հագուստների նկարիչ՝ Նարինե Մալյան
Դերասաններ՝
Արա Սարգսյան
Սամվել Թոփալյան
Լևոն Ղազարյան
Գեորգի Հովակիմյան
Վահագն Գասպարյան
Քրիստինա Հովակիմյան
Լևոն Մելոյան
Լիզա Ազիզյան
Մովսես Ստեփանյան
