Նոյեմբերի 09 2023
Հոկտեմբերի 24-27-ը «Հայկական Կինոդար»-ի ցուցադրությունների նոր հասցեն Վայոց Ձորն էր՝ Ջերմուկ, Գնդեվազ, Վայք, Վերնաշեն, Գետափ բնակավայրերը:
Վայոց Ձորի հանդիսատեսին ջերմ հանդիպում էր սպասվում հայ կինոյի սիրված ֆիլմերի հետ՝ հիշեցնելով ազգային կինոյի մեծ վարպետների թողած կինոժառանգությունը: Իսկ Վայքի հանդիսատեսին ևս մեկ անակնկալ մատուցվեց:
Վայքի մշակույթի տանը նշվեց կոմպոզիտոր, ջազային երաժիշտ Մարտին Վարդազարյանի 85-ամյա հոբելյանը: Մի արվեստագետ, որը հավասարապես պատկանում է ինչպես երաժշտությանը, այնպես էլ ազգային կինոյին: Նա 40-ից ավելի ֆիլմերի երաժշտության հեղինակ է: Հոբելյանական միջոցառմանը ներկայացվեց նրա անցած ստեղծագործական ճանապարհը և ցուցադրվեց «Բարև, ես եմ» ֆիլմը, որի երաժշտության հեղինակը Մարտին Վարդազարյանն է:
ԱՌԱՎԵԼ ԴԻՏՎԱԾՆԵՐԸ
Design & Development by G Design Group