Ապրիլի 08 2026
Ազգային ֆիլմերի նախագծերի պետական ֆինանսավորման տրամադրման մրցույթներին մասնակցող հայտերը գնահատող հանձնախմբերի անդամների թեկնածուների ցանկի համալրման մասին
Հայաստանի կինոյի հիմնադրամը հայտարարում է փորձագետների թեկնածուների հավաքագրում` կինոնկարների նախագծերի պետական ֆինանսավորման տրամադրման մրցույթներում փորձագիտական հանձնախմբերի ձևավորման նպատակով ստեղծված թեկնածուների ցանկը՝ փորձագետների տվյալների բաց շտեմարանը համալրելու նպատակով:
Համաձայն Կինեմատոգրաֆիայի մասին ՀՀ օրենքի 24-րդ հոդվածի 4-րդ մասի դրույթների՝ ազգային ֆիլմերի նախագծերի պետական ֆինանսավորման տրամադրման մրցույթներին մասնակցող հայտերը գնահատող հանձնախմբի անդամ կարող են ընտրվել լիազորված պետական մարմնի սահմանած չափանիշների միավորների հանրագումարով առավելագույն բալեր հավաքած մասնագետներից (այդ թվում` օտարերկրյա) այն թեկնածուները, որոնք ունեն կինոփառատոնի ժյուրիի անդամի աշխատանքի փորձ և արվեստի բնագավառում բարձրագույն կրթություն կամ ստացել են կինոփառատոնի մրցանակ և բավարարում են հետևյալ պայմաններից որևէ մեկը.
1) ունի կինոփառատոնի ժյուրիի անդամի աշխատանքի փորձ.
2) ունի համատեղ արտադրություն իրականացնելու փորձ.
3) համատեղ արտադրության որևէ ծրագրի՝ պաշտոնական ընտրությունն անցած մասնակից է։
Ծանոթություն`
Հիմնադրամի և փորձագիտական հանձնախմբի անդամի միջև կնքվում է պայմանագիր, որը պարտադիր պարունակում է հետևյալ պայմանները.
- Փորձագիտական հանձնախմբի անդամը չի կարող լինել Հայաստանի կինոյի հիմնադրամի կամ լիազորված պետական մարմնի աշխատակից:
- Փորձագիտական հանձնախմբի անդամը և նրա հետ փոխկապակցված անձինք (հայրը, մայրը, ամուսինը, կինը, ամուսնու և կնոջ ծնողները, տատը, պապը, քույրը, եղբայրը, երեխաները, եղբոր և քրոջ ամուսինն ու երեխաները, ինչպես նաև՝ նրանց ղեկավարած կազմակերպություններն ու նրանց աշխատակիցները) հանձնախմբերում ընդգրկված լինելու ողջ ընթացքում չեն կարող մասնակցել տվյալ խմբավորման մրցույթին և չեն կարող ընդգրկված լինել տվյալ խմբավորման մրցույթին ներկայացված հայտերի հիմնական ստեղծագործական կազմերում:
- Նման հանգամանքների ի հայտ գալու պարագայում այդ անդամները զրկվում են հանձնախմբերում աշխատելու հնարավորությունից և հիմնադրամը միայն այդ տեղի համար ընտրում է նոր թեկնածու:
- Փորձագիտական հանձնախմբերի անդամները պարտավորվում են իրենց տրամադրված նյութերի գաղափարները, մոտիվները, սյուժեները, մտահղացման և այլ ստեղծագործական գաղտնիքները չօգտագործել ուրիշ նպատակով, բացի մրցույթի կանոնակարգով իրենց տրամադրված նյութերը ուսումնասիրելու և գնահատելու համար սահմանված նպատակներից:
Վերոնշյալ՝ Կինեմատոգրաֆիայի մասին ՀՀ օրենքի 24-րդ հոդվածի 4-րդ մասով սահմանված պահանջներին համապատասխանող փորձագետների թեկնածուների ցանկում ընդգրկվել ցանկացող մասնագետները պետք է Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային հասցեին ուղարկեն լուսանկարով ընդլայնված կենսագրական՝ հանգամանորեն ներկայացնելով իրենց կրթության, մասնագիտության, փորձառնության, աշխատանքային, մրցանակային և անհրաժեշտ այլ տվյալներ, ինչպես նաև՝ հեռախոսահամար, էլեկտրոնային փոստի հասցե (ցանկալի է gmail.com): Առցանց ուղարկվող նամակում հարկավոր է նշել՝ «Փորձագետների թեկնածուների ցանկում ընդգրկվելու հայտ»:
Փորձագետների թեկնածուների հայտերն ընդունվում են միշտ և անժամկետ:
